Die Politisiera

Im Gasthaus is wohl - meinar Treu - ollewal die gleiche Litanei:

A Viertle Wein und ane Tschick -
und gredt werd von da Politik!

Das werd in Hubabauern z´blöd:
Hearts auf mit entran tummen Gred!

Laßts mih mit sowas lei da Ruah -
Politik hon Ih daham schnon gnua...

Davon habts dos ja gor kan Tau:
Finanzminista is mei Frau -
Mei Schwiegamuatta Kriegsminista -
und meine Diandlan, dö zwa Gschwista,
betreibend Außn Politik-
Daham sans net an Augnblick.

Mei Politik besteht vur alln
in Pappenholtn und in Zahln!