MundartDichtung

De Mitzl muass zum zweitenmol fort
aus dem vamaledeiten Ort.
Ka Monn wüll mehr von ihr, wia tratschn
sie kunnt sich jeden Tog abwatschn
weil sie konn sich anfoch nicht beherrschen
wenn sie siacht an feschen Berschen.
Da Vota von dem schworzen Buabm
is nix ols wia a feste Ruabm.
Von dem konn sie sich nix erwortn
do hot`s oba gonz schlechte Kortn.
Hätt sie bloß zommgholtn ihre Knia
donn gings ihr guat, oba wia.
Donn hätt`s als Monn den Fronz oder den Sepp
jetzt muass sie sich suachen an ondan Tepp.
Wird nit so leicht, wie olle glabn
steht nit jeden Tog ana in da Labn.*

*Vorraum (falls jemand das Wort nicht kennen sollte )

wie immer Spitze gedichtet krypti

Zu viel der Ehre Punkti

nein diese Ehre verdienst du

der ane sitzt bei der polizei
der andere versteckt sich jeden tog aufs neu
die mitzi is scho wieda ganz am end
so wia sie jo scho jeder kennt.
sie ist ein luder und des mog keiner
aber vielleicht findet sich noch einer
sie nimmt sich vieles gute vor
man hört sogleich an engelschor
in einer anderen stadt und andere leut
des is wos die mitzi freut
eine neue chance, neues glück
vielleicht kommts auch zu ihr zurück
sie arbeitet als serviererin
in einem netten kaffee in wien
da kommt eines tages ein netter mann herein
jo, der könnt der richtigte sein
die mitzi lacht und turtelt hoffnungsvoll
sie treibt es gar bunt und toll
der junge mann, er lacht zurück
die mitzi hofft auf neues glück
am späten abend ist er auch noch da
die mitzi lacht hurra hurra
der mann heißt friedolin und ist sehr nett
doch eines ist ein großes gfrett
sie haben leider noch kein bett
wie soll hier die liebe reifen?
die mitzi kann es nicht begreifen.
ihr muss was einfallen, auf die schnelle
der friedolin ist schon zur stelle
der freidl meint, gehst mit zu mir?
sehr gerne meint sie, bin schon nicht mehr hier.
jetzt loss ma dmitzi einmal werken,
wias weida geht,werdet ihr dann merken

Na servas, da was drauflegen

die fallt was ein

die mitzi homa gonz verlurn
die ist einstweilen glotzat wurn
kane hoar mehr des is woa
jetzt finds kan mo mehr des is kloa
aber mir fallt was ein, ihr werdet sehen
dann kann die geschichte weiter gehen.

Single Leben soll sein modern
Erfahrene sagen brauchst dich nicht ärgern oder gar plärrn

Ob Köche dumm oder intelligent
zu oft umgerührt auch gerne anbrennt.
Fad wird der Geschmack erst so richtig
wenn falsch gewürzt wird wo richtig wär wichtig.
Lachend wurde oft falsch und scharf gewürzt
und der Testesser ist dabei Traurig abgestürzt.
Der Testesser überlegt jetzt wohl
ob er überhaupt noch weiter Verkosten soll.

des war lustig punkterl, super

ja so ein tester der hats schwer
wo bekommt er gutes essen her
er muss alles kosten obs jetzt passt oder nicht,
des is des blöde bei der gschicht
wann eam dann schlecht wird bei der kosterei
da fallt dem koch jetzt nix mehr ei.
drum sollte man ein meister sein
dann lädt man gerne gäste ein.

lg mausi

pfui teufel, des is a hitz
man kommt nimma noch mitn schwitz
alle stöhnen nur mehr laut
ja die sun verbrennt die haut.
do gibts nur eins, eine ins wossa
nur so gehts, oisa nossa
sitz seit stunden in aner ecken
möcht mi net rühren, tua mi verstecken.

D'wundabori Rua

Zeitli in da Fria
steh i in mein Weichat
loami au an an Backstahl
siach in Neibl schweibm iwas Gros
am Teich heri a poar Antn schrein
und iwa die Bergwipfl kimmt schei laungsaum d'Sun aufa
i hea koan Stroßnlearm
nua va Weidn a pfeifandi Diesllok
ols wauns sogn dat, da Tog faungt hiats au
a Wall lous i mi nau gein
und gfrei mi, sou a wundabori Rua
ma dat glei rundum ollas vageissn
nua da Natua zuaschaun und zuahean
Owa daun kimmt ma da Blick af mei Ua
jeissas nau, a holbi Stund schau vablempat
und glei dat ma wida d'Oltogshektik ins Bluat schiassn
gemma und doama und aufgehts zack, zack
und wiri schnöll wöllat und dadat
ziagt a klouans Liftal auf
deis woa,
wia waun da Heagout sei Haund af meine Schultan leign tat
mia sogn wüll, wemwos af oamol sou af schnöll
schau oafoch da Natua zua.
Eis ziagt da Neibl in d'Heh
d'Sun schaut mi au
af da Wiesn zoagn sie die Viecha
Drauf hob i ma gsogt
dein schein Tog geh i heit gmiatli au.

Rauner Wolfgang

a heilige rua wü a jeder ham
doch meist finst des net zam.
an trubel sogen vü leut,
des hot mi imma scho gfreut
wia soll mas mochen frog ich heut,
a rua oder wirbel und nix gereut.
i sog, olles zu seiner zeit,
wos für den an zu vü, geht den ondern net zweit.
mochts nur des ane, wos euch auch gfreut.
dann is olles paletti und is a ok
wennst manst, des is a schmäh,
dannn probiers einfach aus
jetzt hob i olles gsogt, jetzt geh i zaus.

wann i amol an grand hob
und i mi mit ollem sehr plog
dann wü i kan menschen sehn
des kann vielleicht net jeder verstehn,
oba so geh ich an streit aussn weg
ich so meine freundschaften pfleg.
so fahr ich hold imma scho guad
wei monchmol gehn mia olle aufn huat.
besser wär, i sog aufn sack
doch ich mein, es sollt sein mit geschmack.
an liaben gruaß, heit gehts ma guad
und kaner geht ma aufn huat.

I hob rollschuach griagd
rode rollschuach mid ana Bremsn
und leichtate Radln.

Oba:
Im Hof kaun i ned foan
wegn da Wäsch von da Glitschka
und weus so scheppad
waun i übas Kaneugitta foa.

Auf da Stroßn deaf i net
wegn di Auto
und wegn da Polizei
weul i no net zöfe bin.

Aum Gesteig drau i mi ned
wegn de Leit
de wean so bees
waun i eana auf de Feaschn foa.

Oba jedn dog
waun ma fad is
sogt Mama:
"Geh rollschuach foan, Madl!"
Des is a Witz!

I hob gaunz noh beim Voik des Uhrn.
Berufsbedingt steh i gaunz vurn.
Wos i do maunchmoi ollas hean kau,
des huacht si ungefähr a so au:

„Sandla, Krippln, Tachiniera,
und beim Mistkiwe a Stiera,
Kindavazahra, Nega, Hur,
den Bochanen, den kenn ma gnua.

Tirkn übaroi im Laund,
im Sechsa is net Deitsch bekaunnt.
Giftla, Trutschaln, Häfnbriada,
Owezahra wern nie miada.

Tschuschnbaungatn, klane Gfrasta,
ärgan voi unsan Hausmasta.
Und de vün Kopftiachlfraun
kaumma se do guat auschaun.

De Schlitzaugn von da Vierastiagn
des san so vü, de kennt i wiagn!
Zigeina haumma und Polackn,
Moslems knian auf ihra Dackn.

Söbst Annamirls klana Renne
sogt zur Mama nur mehr Anne.
Jedn Tog reg i mi auf
und i glaub, i scheiß boid drauf!“

So sogts a echta weana Grantscherm.
Büdung is eam oftmois gaunz fern
und er kau vü net vasteh
und des mocht eam Aungst, dem Weh.

„Heast, so derf ma doch net redn!“
wird’s erklärt fir olle Bledn
von an Mau im Radio,
weu der „gut“ is oda so.

„Obdachlose, Asiaten“
haaßts do, „und ich kann nur raten,
Mitbürger, die mir nicht kennen,
keinesfalls Tschuschen zu nennen.

Tolerant, so muaß ma sein,
dann find’ ma des olles fein.
Offen sein in ana Tour-
es bereichert die Kultur!“

Unsa Grantscherm hod nix gschnoit.
Er hod ois vagessn boid.
Da Mau im Radio wor nett,
oba fir eam hod a net gredt.

Jeds Baby braucht an Reisepass.
Na, glaub’s ma, echt, des is ka Spaß!
Waun so a Gschropp mit knopp drei Wochn
an Urlaub plant und soiche Sochn,
muaß a scho an Ausweis haum,
damit a a ins Auslaund kaun.

Vielleicht is jo a Hüfspaket,
weu’s unsra AUA net guat geht.
Sie wern ka Defizit mehr kriagn,
waun de Babys recht vü fliagn!
I stö ma vur, wia de klan Gschroppn
ihre Sochn zammenpockn.

Trenzpatterl und Schmusetiachl,
Rassl, Lulli, Büdabiachl,
gstrickte Sockn von da Oma
und a Hutal wengan Somma.
Nucklfloschn, Pempas, Haum
muaß ma a no wo vastaun.

De orme Stuardess in Schwechat
kann net tuan ois wia sie mechat.
Statt Sekt und Bier und DO und CO,
mocht de Kundn Hipp jetz froh.

Na- i hob des foisch vastaundn.
De EU mocht des fir Baundn,
de mit so Babys haundln woin,
wos se- gaunz klor- net mochn soin.

I denk fir mi is es gaunz gwiss,
dass de Gschicht a Nepp nur is.
Boid kummt da Pass firn Embryo,
weu der is schließlich a scho do.

super danke gfollt ma